ÌÇÐÄÔ­´´

Yon fwa ou resevwa lèt akseptans ou a, pataje nouvèl la ak fanmi w ansanm ak zanmi w! Chèche konnen kominote ÌÇÐÄÔ­´´ a nan swiv nou sou 

Facebook:

ak sou Twitter/X:

.

Plasman nan nivo apwopriye Anglè ak Matematik se yon eleman fondamantal nan edikasyon w. Men sa ki dwe fèt pou egzijans plasman nou yo ka satisfè:

• Yon gpa 2.7 pou lekòl segondè nan yon lekòl segondè Ameriken akredite pandan 3 dènye ane yo (10 pou Anglè sèlman)
• Kou nivo kolèj nan Anglè ak Matematik te deja konplete (nan yon kolèj Ameriken akredite oswa avèk yon mwayèn 3 oswa pi wo nan yon AP, 50 oswa pi wo nan yon CLEP, oswa 4 oswa pi wo nan yon egzamen IB Wo Nivo)
• Finisman yon diplòm Asosye (pou evalyasyon nan lekti) oswa Lisans  (lekti ak ekriti)
• Mwayèn Kalifikasyon SAT oswa ACT pandan 5 dènye ane yo
• Mwayèn Kalifikasyon GED oswa HiSET pandan 3 dènye ane yo (pou evalyasyon matematik)
• Pran Tès Plasman Accuplacer a ke nou aktyèlman ofri sou entènèt la. Enskri sou entènèt la nan Placement Testing oswa rele 781-239-2620 pou ka mete randevou pou pran Tès Plasman w lan. ÌÇÐÄÔ­´´ ofri atelye pou preparasyon tès GRATIS, epi .

Voye fotokopi relve nòt lekòl segondè w yo, kolèj oswa HiSET/GED oswa mwayèn SAT/ACT bay biwo Admisyon yo nan admissions@massbay.edu pou wè si ou kalifye. Tanpri note ke si ou pran tès plasman an, ou pral bezwen montre yon kat Idantite ki gen foto w sou li nan randevou w la.

Tanpri note ke nou te fè tès plasman an tounen yon pwosesis ki fèt sou entènèt la pou moman an.

Ranpli Aplikasyon Gratis pou Èd Federal pou Etidyan (FAFSA) pou ane lekòl wap planifye pou enskri nan ÌÇÐÄÔ­´´ a. Yo itilize FAFSA a pou detèmine elijiblite w pou resevwa èd finansye federal ak eta a. FAFSA a twouve l sou Entènèt la nan . Asire w ke w ajoute nimewo kòd federal lekòl ÌÇÐÄÔ­´´ Community College la kise: 002171. Si ou gen kesyon konsènan èd finansye, ou ka rele biwo a nan 781-239-2600 oswa voye yon imèl bay finaid@massbay.edu.

Tanpri note ke nou pa pral ofri sèvis pou èd finansye sou kanpis la ankò men n ap ofri yo adistans pou moman an.

ÌÇÐÄÔ­´´ ofri anpil sesyon Oryantasyon ak Enskripsyon pou tout nouvo etidyan yo. Sesyon sa yo rele SOAR (Oryantasyon pou Elèv, Konsèy, ak Enskripsyon). Sesyon SOAR sou-kanpis la oswa sou entènèt la (on-campus or online SOAR session) la se kote ou pral gen pou fè konesans epi travay ak pwofesè ansanm ak anplwaye nou yo, pou ka vin adapte w ak kolèj la, pou rankontre avèk yon konseye akademik, epi enskri pou kou kolèj ou yo. Ou pral kite sesyon SOAR sou-kanpis ou a avèk orè kou kolèj ou a nan men w. 
Gen anpil sesyon pou chwazi ladan yo, men ou dwe konplete Tès Plasman w la avan wal patisipe nan yon sesyon SOAR. (Gade etap nimewo 2 a sou fason pou enskri pou Tès Plasman w lan.) Pou enskri pou yon sesyon Oryantasyon ak Enskripsyon obligatwa, tanpri vizite paj entènèt Enskripsyon ak Oryantasyon pou Etidyan ÌÇÐÄÔ­´´ yo (the ÌÇÐÄÔ­´´ Student Orientation And Registration web page) oswa rele 781-239-2721. Tanpri note ke ou pral bezwen montre yon pyès IDANTITE ki gen foto w sou li pandan randevou w la.

Tanpri note ke etidyan Mekanik oto ak anpil etidyan Syans Sante gen sesyon oryantasyon espesyal pou yo.  Tanpri gade nan lèt akseptans ou a oswa kontakte admissions@massbay.edu pou plis detay.

• Peman an dwe fèt lè w ap enskri pou kou yo. Peman an kapab fèt sou entènèt la pa mwayen kont etidyan w lan oswa ou kapab kreye yon plan peman.
• Pran swen asirans maladi w la. Si ou enskri pou 9 oswa plis kredi, yo pral faktire w pou asirans maladi nan ÌÇÐÄÔ­´´. Yo ka anile frè sa a si ou kouvri anba yon lòt asirans maladi.
• Jwenn tout òdinatè ÌÇÐÄÔ­´´ ou yo ansanm ak zouti entènèt yo nan
• Toujou tcheke imèl ÌÇÐÄÔ­´´ w la pou mizajou.
• Achte manyèl pou kou w yo.
• Si ou nan pwogram Biwoteknoloji, Otomobil oswa Syans Sante, aplike pou lesepase estasyonman etidyan w lan oswa konsidere opsyon transpò an komen an ki aladispozisyon w. Pagen okenn lòt pwogram ki pral ekzije pou ale sou kanpis la.